By छत्रपती संभाजीनगर (प्रतिनिधी- चैतन्य महाले) : “राष्ट्र उभारणीत फुले-शाहू-आंबेडकरांचे योगदान” या अभ्यासपूर्ण विषयावर भारतीय क्रांती दल सामाजिक संघटनेच्यावतीने एक प्रेरणादायी चर्चासत्र आयोजित करण्यात आले. हा विचारप्रवर्तक कार्यक्रम महात्मा गांधी भवन, समर्थ नगर येथे संपन्न झाला. या कार्यक्रमाचे अध्यक्षस्थान माननीय शैलेंद्र भाऊ मिसाळ यांनी भूषवले. त्यांच्या नेतृत्वाखाली पार पडलेल्या या चर्चासत्रात फुले-शाहू-आंबेडकर यांच्या विचारसरणीचा सामाजिक परिवर्तनात कसा उपयोग झाला याचे सखोल विश्लेषण करण्यात आले.
चर्चासत्रात विविध वक्त्यांनी समाजातील विषमता, अन्याय आणि असमानतेविरोधात या थोर विचारवंतांनी केलेल्या संघर्षावर अभ्यासपूर्ण प्रकाश टाकला. फुले-शाहू-आंबेडकरांचा मूलभूत विचार म्हणजे समता, बंधुता आणि न्याय या तत्त्वांवर आधारित समाजरचना – हाच संदेश आजच्या तरुण पिढीला देण्याचा प्रयत्न या उपक्रमातून करण्यात आला. या चर्चासत्रातून समाजाच्या वैचारिक उन्नतीस चालना मिळावी, आणि तरुणांनी सामाजिक बांधिलकीची जाणीव ठेवत कार्य करावे, हा उद्देश अधोरेखित झाला. हा उपक्रम केवळ चर्चा नव्हे, तर नव्या विचारांची आणि कृतीची प्रेरणा देणारा एक महत्त्वाचा टप्पा ठरला आहे.
