By छत्रपती संभाजीनगर (प्रतिनिधी) : छत्रपती संभाजीनगर येथील बुद्धलेणीच्या पायथ्याशी असलेल्या पहाडसिंपुरा गट/सर्वे नं. ४० मधील महार इनामी जमिनीवर भूमाफियांनी बनावट कागदपत्रे तयार करून मोठ्या प्रमाणात अतिक्रमण केल्याची गंभीर घटना उघडकीस आली आहे. या जमिनीवर परस्पर लेव्हलिंग करून तिचा वापर करण्याचा प्रयत्न सुरू असल्याचे समोर आले आहे. या प्रकारामुळे स्थानिकांमध्ये मोठा संताप व्यक्त केला जात आहे.
पीडितांनी आरोप केला आहे की, या गैरप्रकाराला विरोध केल्यावर ललित समाजाच्या लोकांवर अन्याय आणि अत्याचार होत आहेत. भूमाफियांनी धमक्या देत दडपशाही केल्याची तक्रार करण्यात आली आहे. त्यामुळे ॲट्रॉसिटी अॅक्ट आणि भारतीय दंड संहितेच्या ४२० कलमांतर्गत गुन्हा दाखल करून दोषींवर कठोर कारवाई करण्यात यावी, अशी मागणी करण्यात आली आहे. या घटनेमुळे परिसरात तणावाचे वातावरण निर्माण झाले असून, पीडितांनी प्रशासनाकडे आपली जमीन परत मिळावी यासाठी न्यायाची मागणी केली आहे. स्थानिक नागरिक आणि सामाजिक संघटनांनी याप्रकरणी लवकरात लवकर न्याय मिळावा, यासाठी प्रशासनाने कठोर पावले उचलावीत, अशी मागणी केली आहे.
