By छत्रपती संभाजीनगर (प्रतिनिधि) : गहाण खत करण्याऐवजी खरेदी करून फसवणूक करणाऱ्या सावकारावर गुन्हा दाखल करण्याची मागणी राज्यघटना बचाव संघर्ष संघाच्या वतीने करण्यात आली आहे . मराठवाड्याची राजधानी असलेल्या छत्रपती संभाजीनगर व परिसरात मोठ्या प्रमाणात सावकारचा सुळसुळाट वाढल्याने गोरगरीब जनतेची पिळवणूक होत आहे . सावकारांच्या जाचाला कंटाळून नागरिक त्रस्त झाले आहे. अशीच काही घटना छत्रपती संभाजी नगरात घडल्याचे समोर आले आहे.
गहन खत करण्याऐवजी खरेदी खत करून व्यवहारात फसवणूक केल्याप्रकरणी सावकार अशोक किसन कथवटे( रा.एन-११ हडको) छत्रपती संभाजीनगर याची लाच लुचपत विभागामार्फत चौकशी करून सावकारी कायद्याअंतर्गत तात्काळ गुन्हा दाखल करण्यात यावा अशी मागणी राज्यघटना बचाव संघर्ष संघाचे जिल्हा अध्यक्ष गणेश महाले यांनी निवेदनामार्फत केली आहे . सदरील सावकाराचा व्हिडिओ व्हायरल झालेला असून त्या व्हिडिओ मध्ये सावकार स्पष्ट टक्केवारीची भाषा बोलताना दिसत आहे . या कुटुंबासह अशा कित्येक गोरगरीब कुटुंबाची फसवणूक करून त्याने गडगंज संपत्ती जमा केली असेल . याची देखील चौकशी करण्यात यावी . व अशा फसवणूक करणाऱ्या व गोरगरिबांचे रक्त पिणाऱ्या सावकारावर गुन्हा दाखल करण्यात यावा अशी तक्रार पूनमसिंग कपूरसिंग सुलाने यांनी राज्यघटना बचाव संघर्ष संघ समिती कडे करण्यात आली असून राज्यघटना बचाव संघर्ष समितीचे जिल्हाध्यक्ष गणेश महाले यांनी पोलीस आयुक्त यांना निवेदन देत सावकारावर तात्काळ गुन्हा दाखल करण्याची मागणी केली आहे.
